نظم کا سبق کیا ہے؟

خود انحصاری اور امید۔

ایک پرندہ اور جگنو | علامہ اقبال | بانگِ درا — محمد اقبال — اردو شاعری

نظم

محمد اقبال پیر، 8 جون 2026

👁 7 ❤️ 0

سر شام ايک مرغ نغمہ پيرا

کسي ٹہني پہ بيٹھا گا رہا تھا

چمکتي چيز اک ديکھي زميں پر

اڑا طائر اسے جگنو سمجھ کر

کہا جگنو نے او مرغ نواريز!

نہ کر بے کس پہ منقار ہوس تيز

تجھے جس نے چہک ، گل کو مہک دي

اسي اللہ نے مجھ کو چمک دي

لباس نور ميں مستور ہوں ميں

پتنگوں کے جہاں کا طور ہوں ميں

چہک تيري بہشت گوش اگر ہے

چمک ميري بھي فردوس نظر ہے

پروں کو ميرے قدرت نے ضيا دي

تجھے اس نے صدائے دل ربا دي

تري منقار کو گانا سکھايا

مجھے گلزار کي مشعل بنايا

چمک بخشي مجھے، آواز تجھ کو

ديا ہے سوز مجھ کو، ساز تجھ کو

مخالف ساز کا ہوتا نہيں سوز

جہاں ميں ساز کا ہے ہم نشيں سوز

قيام بزم ہستي ہے انھي سے

ظہور اوج و پستي ہے انھي سے

ہم آہنگي سے ہے محفل جہاں کي

اسي سے ہے بہار اس بوستاں کي

📖 خلاصہ

یہ نظم چھوٹے کرداروں کے ذریعے خود اعتمادی اور عمل کی اہمیت کو اجاگر کرتی ہے۔

#پرندہ #جگنو #بچوں کا ادب #اقبال

✍️ محمد اقبال — مختصر تعارف

📍 سیالکوٹ (موجودہ پاکستان)

علامہ محمد اقبالؔ اردو اور فارسی ادب کے عظیم شاعر، مفکر، فلسفی اور برصغیر کے ممتاز دانشور تھے۔ آپ 9 نومبر 1877ء کو سیالکوٹ میں پیدا ہوئے۔ ابتدائی تعلیم سیالکوٹ میں حاصل کی، بعد ازاں گورنمنٹ کالج لاہور سے اعلیٰ تعلیم حاصل کی جہاں آپ کو معروف مستشرق اور استاد سر تھامس آرنلڈ کی سرپرستی میسر آئی۔ مزید تعلیم کے لیے یورپ گئے، کیمبرج یونیورسٹی سے فلسفے کی تعلیم حاصل کی، میونخ یونیورسٹی سے ڈاکٹریٹ کی ڈگری …