آفتاب کس چیز کی علامت ہے؟

Q: آفتاب کس چیز کی علامت ہے؟

روشنی اور حیات کی۔

آفتاب | علامہ اقبال | بانگِ درا — محمد اقبال — اردو شاعری

نظم

محمد اقبال پیر، 8 جون 2026

👁 7 ❤️ 0

اے آفتاب! روح و روان جہاں ہے تو

شيرازہ بند دفتر کون و مکاں ہے تو

باعث ہے تو وجود و عدم کي نمود کا

ہے سبز تيرے دم سے چمن ہست و بود کا

قائم يہ عنصروں کا تماشا تجھي سے ہے

ہر شے ميں زندگي کا تقاضا تجھي سے ہے ہر شے کو تيري جلوہ گري سے ثبات ہے

تيرا يہ سوز و ساز سراپا حيات ہے

وہ آفتاب جس سے زمانے ميں نور ہے

دل ہے ، خرد ہے ، روح رواں ہے ، شعور ہے

اے آفتاب ، ہم کو ضيائے شعور دے

چشم خرد کو اپني تجلي سے نور دے

ہے محفل وجود کا ساماں طراز تو

يزدان ساکنان نشيب و فراز تو

تيرا کمال ہستي ہر جاندار ميں

تيري نمود سلسلہ کوہسار ميں

ہر چيز کي حيات کا پروردگار تو

زائيدگان نور کا ہے تاجدار تو

نے ابتدا کوئي نہ کوئي انتہا تري

آزاد قيد اول و آخر ضيا تري

📖 خلاصہ

نظم میں آفتاب کو حیات، توانائی اور بیداری کی علامت کے طور پر پیش کیا گیا ہے۔

#آفتاب #سورج #اقبال #فطرت

✍️ محمد اقبال — مختصر تعارف

📍 سیالکوٹ (موجودہ پاکستان)

علامہ محمد اقبالؔ اردو اور فارسی ادب کے عظیم شاعر، مفکر، فلسفی اور برصغیر کے ممتاز دانشور تھے۔ آپ 9 نومبر 1877ء کو سیالکوٹ میں پیدا ہوئے۔ ابتدائی تعلیم سیالکوٹ میں حاصل کی، بعد ازاں گورنمنٹ کالج لاہور سے اعلیٰ تعلیم حاصل کی جہاں آپ کو معروف مستشرق اور استاد سر تھامس آرنلڈ کی سرپرستی میسر آئی۔ مزید تعلیم کے لیے یورپ گئے، کیمبرج یونیورسٹی سے فلسفے کی تعلیم حاصل کی، میونخ یونیورسٹی سے ڈاکٹریٹ کی ڈگری …