نظم میں کن دو قوتوں کا ذکر ہے؟

عقل و دل | علامہ اقبال | بانگِ درا — محمد اقبال — اردو شاعری

نظم

محمد اقبال پیر، 8 جون 2026

👁 20 ❤️ 0

عقل نے ايک دن يہ دل سے کہا

بھولے بھٹکے کي رہنما ہوں ميں

ہوں زميں پر ، گزر فلک پہ مرا

ديکھ تو کس قدر رسا ہوں ميں

کام دنيا ميں رہبري ہے مرا

مثل خضر خجستہ پا ہوں ميں

ہوں مفسر کتاب ہستي کي

مظہر شان کبريا ہوں ميں

بوند اک خون کي ہے تو ليکن

غيرت لعل بے بہا ہوں ميں

دل نے سن کر کہا يہ سب سچ ہے

پر مجھے بھي تو ديکھ ، کيا ہوں ميں

راز ہستي کو تو سمجھتي ہے

اور آنکھوں سے ديکھتا ہوں ميں

ہے تجھے واسطہ مظاہر سے

اور باطن سے آشنا ہوں ميں

علم تجھ سے تو معرفت مجھ سے

تو خدا جو ، خدا نما ہوں ميں

علم کي انتہا ہے بے تابي

اس مرض کي مگر دوا ہوں ميں

شمع تو محفل صداقت کي

حسن کي بزم کا ديا ہوں ميں

تو زمان و مکاں سے رشتہ بپا

طائر سدرہ آشنا ہوں ميں

کس بلندي پہ ہے مقام مرا

عرش رب جليل کا ہوں ميں!

📖 خلاصہ

اقبال اس نظم میں عقل اور دل دونوں کی اہمیت واضح کرتے ہیں اور ان کے درمیان توازن کا درس دیتے ہیں۔

#عقل #دل #عشق #اقبال #فلسفہ

✍️ محمد اقبال — مختصر تعارف

📍 سیالکوٹ (موجودہ پاکستان)

علامہ محمد اقبالؔ اردو اور فارسی ادب کے عظیم شاعر، مفکر، فلسفی اور برصغیر کے ممتاز دانشور تھے۔ آپ 9 نومبر 1877ء کو سیالکوٹ میں پیدا ہوئے۔ ابتدائی تعلیم سیالکوٹ میں حاصل کی، بعد ازاں گورنمنٹ کالج لاہور سے اعلیٰ تعلیم حاصل کی جہاں آپ کو معروف مستشرق اور استاد سر تھامس آرنلڈ کی سرپرستی میسر آئی۔ مزید تعلیم کے لیے یورپ گئے، کیمبرج یونیورسٹی سے فلسفے کی تعلیم حاصل کی، میونخ یونیورسٹی سے ڈاکٹریٹ کی ڈگری …