نظم "ماحول کی پکار" کا بنیادی پیغام کیا ہے؟

اس نظم کا بنیادی پیغام ماحول کا تحفظ، درختوں کی اہمیت، آلودگی سے بچاؤ اور قدرتی وسائل کی حفاظت کے ذریعے ایک سرسبز اور خوشحال مستقبل کی تعمیر ہے۔

ماحول کی پکار نظم از علیم طاہر | تشریح، خلاصہ، مرکزی خیال — علیم طاہر — اردو شاعری

ادبِ اطفال

علیم طاہر اتوار، 7 جون 2026

👁 112 ❤️ 1

آؤ مل کر عہد یہ دہرائیں

اپنی دھرتی کو سبز بنائیں

نیلا امبر، روشن تارے

ہم کو لگتے کتنے پیارے

صاف ہوا کا حق ہے سب کا

تحفہ ہے یہ اپنے رب کا

پیڑ لگاؤ، پھول کھلاؤ

خوشبو سے دنیا مہکاؤ

پیڑ ہمیں آکسیجن دیتے

دھوپ سے ہر دم یہی بچاتے

جب جنگل کم ہوتے جاتے

بادل بھی پھر پیٹھ دکھاتے

سوکھے کھیت اور پیاسی ندیا

دکھ میں ڈوبے گا من بھیا

دھواں فضا میں زہر گھلاتا

سانسوں کا دشمن بن جاتا

شور مچاتے یہ کارخانے

صوتی بیماری پھیلاتے

پانی کی ہر بوند بچاؤ

سب کو اس کی قدر جتاؤ

ندیا، جھرنے، تال سنبھالو

قدرت کے تحفے مت ٹالو

پنچھی، پھول، نظارے سارے

ان سے ہیں یہ رنگ ہمارے

اگر زمیں کو خوش رکھنا ہے

سبزہ ہر سو پھر کرنا ہے

آؤ مل کر کام یہ کر لیں

مستقبل کی جھولی بھر لیں

ہر آنگن میں ایک شجر ہو

پیار، امن اور سبز سفر ہو

سب اپنا ماحول سجائیں

سرسبز و شاداب بنائیں

نظم نگار:- علیم طاہر

📖 خلاصہ

نظم "ماحول کی پکار" میں شاعر ماحول کی حفاظت کا پیغام دیتا ہے۔ وہ انسانوں کو دعوت دیتا ہے کہ سب مل کر زمین کو سرسبز و شاداب بنائیں۔ شاعر درختوں کی اہمیت بیان کرتے ہوئے بتاتا ہے کہ درخت ہمیں آ…