غزل
مثل منصور زمانے سے وفا مانگے گا
عبدالدیان اسد
منگل، 5 مئی 2026
👁 75
❤️ 3
مثلِ منصور زمانے سے وفا مانگے گا
عشق، بس دار پہ چڑھنے کی ادا مانگے گا
آہ سے اس کی حکومت تری مٹ جائے گی
پونچھ کر اشک جو مظلوم دعا مانگے گا
چھوڑ آیا ہے جو ماں باپ کو خود دارِ اماں
اپنے بچوں سے وہ خدمت کا صلہ مانگے گا
دردِ دل ،حاذقِ دوراں کو بھی ہو جائے تو
تیرا بیمار بھلا کس سے دوا مانگے گا
تو نے رخ پھیر لیا اپنی محبت سے اگر
پھر تو رو رو کے شب و روز قضا مانگے گا
جس کو ڈر رہتا ہے ہر وقت شبِ ظلمت کا
روشنی میں بھی رہے گا تو دیا مانگے گا
روشنی چار سو پھیلے گی زمانے میں اسد
جب قلندر لئیے کشکول ضیا مانگے گا
✍️ عبدالدیان اسد — Short Introduction
📍 مالیگاؤں، مہاراشٹر، ہندوستان
نام؛ عبدالدیان عبدالرحمن
قلمی نام؛. عبدالدیان اسد
معروف نام؛. عبدالدیان رحمانی
پیشہ؛ پارچہ بافی، اناؤنسر، نظامت
تاریخ پیدائش؛ 2مئی 1970
مسکن؛ گھر نمبر 188 گلی نمبر 2 نجمہ آباد
شہر؛ مالیگاؤں ناسک مہاراشٹر ہندوستان
مشغلہ؛. شاعری، مطالعہ، خدمت خلق
تعلیم؛ دسویں اردو
غزل What is it?
غزل اردو شاعری کی سب سے مقبول صنف ہے۔ اس میں عام طور پر محبت، جدائی، فلسفہ اور زندگی کے موضوعات پر اشعار ہوتے ہیں۔ ہر شعر اپنی جگہ مکمل ہوتا ہے۔
More by عبدالدیان اسد
اس جگہ پر جنوں مہمان ہوا کرتے ہیں جس جگہ شاہ بھی دربان ہوا کرتے ہیں زخم کو نوچ کے خوں اپنا بہاتے رہن...
اپنی بربادی کی معذور کہانی بھر کے پھونک مارے گا چلم باز جوانی بھر کے روز جھرنے میں منگائے گی جٹھانی ...
کیا خبر حریفِ دین کو کیا ہے احترام یا حسین عرشِ پاک پر بھی ہے لکھا آپ کا مقام یا حسین لاج رکھ لی رکن...
روضے کی دھول سر پہ لگانا بھی نعت ہے روداد جاکے طیبہ سنانا بھی نعت ہے نانا کا اپنے وعدہ نبھانا بھی نع...
No comments yet — be the first!