نظم کا بنیادی پیغام کیا ہے؟

انسانی اتحاد اور اخوت۔

نیا شوالا | علامہ اقبال | بانگِ درا — محمد اقبال — اردو شاعری

نظم

محمد اقبال پیر، 8 جون 2026

👁 6 ❤️ 0

سچ کہہ دوں اے برہمن! گر تو برا نہ مانے

تيرے صنم کدوں کے بت ہو گئے پرانے

اپنوں سے بير رکھنا تو نے بتوں سے سيکھا

جنگ و جدل سکھايا واعظ کو بھي خدا نے

تنگ آ کے ميں نے آخر دير و حرم کو چھوڑا

واعظ کا وعظ چھوڑا، چھوڑے ترے فسانے

پتھر کي مورتوں ميں سمجھا ہے تو خدا ہے

خاک وطن کا مجھ کو ہر ذرہ ديوتا ہے

آ ، غيريت کے پردے اک بار پھر اٹھا ديں

بچھڑوں کو پھر ملا ديں نقش دوئي مٹا ديں

سوني پڑي ہوئي ہے مدت سے دل کي بستي

آ ، اک نيا شوالا اس ديس ميں بنا ديں

دنيا کے تيرتھوں سے اونچا ہو اپنا تيرتھ

دامان آسماں سے اس کا کلس ملا ديں

ہر صبح اٹھ کے گائيں منتر وہ مٹيھے مٹيھے

سارے پجاريوں کو مے پيت کي پلا ديں

شکتي بھي شانتي بھي بھگتوں کے گيت ميں ہے

دھرتي کے باسيوں کي مکتي پريت ميں ہے

📖 خلاصہ

اقبال اس نظم میں مذہبی اور نسلی تفریق سے بالاتر ہو کر انسانیت اور اتحاد کی دعوت دیتے ہیں۔

#نیا شوالا #انسانیت #اتحاد #اقبال

✍️ محمد اقبال — مختصر تعارف

📍 سیالکوٹ (موجودہ پاکستان)

علامہ محمد اقبالؔ اردو اور فارسی ادب کے عظیم شاعر، مفکر، فلسفی اور برصغیر کے ممتاز دانشور تھے۔ آپ 9 نومبر 1877ء کو سیالکوٹ میں پیدا ہوئے۔ ابتدائی تعلیم سیالکوٹ میں حاصل کی، بعد ازاں گورنمنٹ کالج لاہور سے اعلیٰ تعلیم حاصل کی جہاں آپ کو معروف مستشرق اور استاد سر تھامس آرنلڈ کی سرپرستی میسر آئی۔ مزید تعلیم کے لیے یورپ گئے، کیمبرج یونیورسٹی سے فلسفے کی تعلیم حاصل کی، میونخ یونیورسٹی سے ڈاکٹریٹ کی ڈگری …