غزل

غلط فہمی اور حقیقت پر فکر انگیز اردو شاعری | عبدالدیان اسد نظم

عبدالدیان اسدؔ جمعہ، 5 جون 2026

👁 33 ❤️ 0

میں نے سمجھ کے بوجھ کے برکھا غلط نہیں

جانا غلط، غلط کو ہے سوچا غلط نہیں

رہبر غلط ہے یا تو مسافر ہے خود غلط

منزل غلط نہیں کوئی رستہ غلط نہیں

اک لفظ جس کو پڑھ کے تماشہ ہوا یہاں

تم نے پڑھا غلط ہے یہ لکھا غلط نہیں

دو چار ہم میں ایسے ہیں شہرت پسند لوگ

سستا غلط سمجھتے ہیں مہنگا غلط نہیں

عالی جناب کام مرا تھوڑا بھی ہے غلط

پورا غلط کہیں اسے آدھا غلط نہیں

میرے غلط پہ کہنے لگے چینخ کر غلط

تم نے غلط کیا ہے جو، وہ کیا غلط نہیں

یہ بھی تو ہے غلط کہ غلط بات کو اسد

تسلیم تو نے کر لیا سمجھا غلط نہیں

📖 सार

یہ نظم انسانی سوچ، غلط فہمی اور حقیقت کے فرق کو اجاگر کرتی ہے۔ شاعر بتاتا ہے کہ اکثر ہم راستے، رہبر اور حالات کو غلط سمجھ لیتے ہیں جبکہ اصل غلطی ہماری اپنی سوچ اور ادراک میں ہوتی ہے۔ یہ شاعری اصلاحی اور غور و فکر پر مجبور کرنے والی ہے۔