حمد
علیم طاہر
اتوار، 17 مئی 2026
👁 253
❤️ 2
قلب میں دھڑکن بن کر اترا نام ترا
سارے ناموں میں ہے پہلا نام ترا
ساگر ساگر بولیں موجیں یا اللہ
ورد کرے ہے دریا دریا نام ترا
رات اور دن پر تیرا نام مسلط ہے
لے کر نکلے سورج چندا نام ترا
صبح ہوئی تو پھول پھول کے چہرے پر
شبنم کے قطروں میں چمکا نام ترا
بادل بادل سرد ہوا کے جھو نکو ں سے
قطرہ قطرہ بول کے برسا نام ترا
اڑتے اڑتے پنجھی ہر دم لیتے ہیں
وادی وادی صحرا صحرا نام ترا
کیڑوں کو دی تو نے غذائیں پتھر میں
پتھر کے اندر بھی گونجا نام ترا
مستانے انداز میں پل پل یاد کرے
شجر شجر کا پتہ پتہ نام ترا
روشن لعل و گوہر تیرے نام سے ہیں
لے کر چمکے پل پل مولا نام ترا
جگنو تتلی بھنو رے تیرا ذکر کرے
ہر گل میں ہیں مہکا مہکا نام ترا
صدف کھلی تو پھیلا نور اندھیرے میں
طاہر نے بھی روشن پایا نام ترا
✍️ علیم طاہر — مختصر تعارف
📍 مالیگاؤں
علیم طاہر _شاعر و ادیب
حمد کیا ہے؟
حمد اللہ تعالیٰ کی تعریف و توصیف میں لکھی جانے والی شاعری ہے۔ اردو ادب میں حمد کا ایک معزز مقام ہے۔
علیم طاہر کی مزید
نہ خود کا میں ہوں نہ کچھ اور میرے بس میں ہے
جہاں میں جو بھی ہے سب تیری دسترس میں ہے
مرے وجود سے ...
لوبانوں سی خوشبو جیسی مہکے تیری یاد
دھڑکندھڑکن سلگ رہا ہے مدھم سااحساس
مجھ کو تیرے سنگ چ...
ڈراما نگار: علیم طاہر
کردار:
بابا جان (ریٹائرڈ ریلوے گارڈ، 75 سالہ)
سلمان (بابا جان کا پوتا، 20...
اسٹیج ڈرامہ: آخری سکہ
تحریر (رائٹر) : علیم طاہر
کردار:
رفیق – مرکزی کردار، عام سا نوجوان جس کے د...
ابھی کوئی تبصرہ نہیں — پہلے تبصرہ کریں!