غزل
باقی ہیں چند روز ابھی انتخاب میں
ہاشم حسین انور حسین
جمعہ، 8 مئی 2026
👁 40
❤️ 2
نفرت اُگل رہی ہے حکومت خطاب میں
باقی ہیں چند روز ابھی انتخاب میں
رب نے رکھا ہے جب سے کسی انتخاب میں
"خوشبو کی روح تب سے در آئی گلاب میں"
اس رات کو لکھوں شبِ معراج عمر بھر
سرکارﷺمیرے آئیں گے جس رات خواب میں
بلبل نے پہلے خون سے سینچا جنابِ من
تب جا کے رنگ آیا حنا سا شباب میں
یہ تلخیاں ہیں کیسی اس کا ہے کیا سبب
کیوں جی جناب ہوتا نہیں اب خطاب میں
نزدیک آرہا ہے ترا شہر جس قدر
بڑتی ہی جا رہی ہے تپش آفتاب میں
صدیوں سے راہِ عشق میں دیتے ہیں جو مثال
فرقت کا کس کے داغ لگا ماہتاب میں
تاریخ لکھنے والے خیانت سے باز آ
شامل ہے میرا خون بھی اس انقلاب میں
کپڑوں سے تنگ ہوتے ہیں فیشن کے نام پر
اب کھل کے خود نمائی در آئی حجاب میں
انجام اس کا دیکھے گی ہاشمؔ شبِ فراق
محفل کو چھوڑ کر جو گیا آب و تاب میں
More by ہاشم حسین انور حسین
کل شب جنابِ میر جو آۓ تھے خواب میں ہم نے بھی اپنے شعر سناۓ تھے خواب میں آنکھیں کھلیں نہیں کہ وہ یکسر...
جس نے نصیب اپنا سنوارا نہیں ہے دوست دنیا میں اس کا کوئی سہارا نہیں ہے دوست شکوہ کروں تو کس سے کروں ک...
اُمّتِ محمد کا صلہ سکینہ کیسے بھول جائے کربلا سکینہ ظلم جبر ایسا ظالموں نے ڈھایا خوں بھرا ہوا ہے مرث...
حصولِ آفریں جن کے سبھی القاب ہوتے ہیں وہ راہِ عشق کے راہی بڑے کم یاب ہوتے ہیں انہیں ہی ہر مسافر کی ب...
No comments yet — be the first!