📖 تمام نثر

چھوٹا بچہ آئس کریم والے کو حسرت سے دیکھ رہا تھا۔ ایک اجنبی نے اُسے آئس کریم خرید دی۔ بچہ خوشی سے بولا: "انکل! آپ بہت اچھے ہیں۔" آدمی مسکرایا۔ شاید اُسے بھی پہلی بار اپنا آپ اچھا لگا ت...

فیکٹری کی سیٹی بجتے ہی مزدور دوڑ پڑتے تھے۔ ایک بچہ روز دروازے پر اپنے باپ کا انتظار کرتا۔ جیسے ہی باپ باہر آتا بچہ لپٹ جاتا۔ باپ کی ساری تھکن اُتر جاتی۔ شاید محبت سب سے بڑی تنخواہ ہے۔

باپ روز پودے کو پانی دیتا تھا۔ بیٹا ہنستا: "اتنی محنت ایک چھوٹے پودے کیلئے؟" کچھ سال بعد وہی درخت گھر کو سایہ دے رہا تھا۔ باپ آہستہ سے بولا: "رشتے بھی ایسے ہی ہوتے ہیں۔"

بچہ ضد کرکے چابی والا کھلونا لے آیا۔ دو دن بعد وہ کونے میں پڑا تھا۔ دادا مسکرائے اور بولے: "بیٹا… دل سے کھیلنے والی چیزیں جلدی پرانی نہیں ہوتیں۔" بچہ خاموش ہوگیا۔

بیٹا اپنے باپ کے پرانے کوٹ پر ہنستا تھا۔ ایک دن اُسے جیب میں ایک پرچی ملی: "اس ماہ بھی اپنا کوٹ نہیں خریدا… بیٹے کی فیس بھر دی۔" بیٹے نے کوٹ سینے سے لگا لیا۔

گھر میں صرف ایک روٹی بچی تھی۔ ماں نے کہا: "مجھے بھوک نہیں۔" باپ بولا: "میں کھا چکا ہوں۔" بچہ خوشی سے روٹی کھانے لگا۔ اور والدین پانی پی کر سو گئے۔

بوڑھے مزدور کے ہاتھ بہت کھردرے تھے۔ پوتے نے پوچھا: "دادا! آپ کے ہاتھ ایسے کیوں ہیں؟" دادا نے مسکرا کر کہا: "تمہارے ابو کے نرم ہاتھوں کیلئے۔" پوتا اُن ہاتھوں کو دیر تک دیکھتا ر...

استاد نے بچے کی ٹوٹی پنسل دیکھی اور نئی دے دی۔ بچہ بولا: "سر! یہ ابھی چل رہی تھی۔" استاد مسکرایا: "مگر بہت چھوٹی ہوگئی تھی۔" بچہ فوراً بولا: "پھر بھی اس نے لکھنا نہیں چھ...

محفل میں سب ہنس رہے تھے۔ ایک آدمی خاموش کونے میں بیٹھا تھا۔ لوگ اُسے مغرور سمجھ رہے تھے۔ کچھ دیر بعد خبر ملی کہ اُس کی ماں اسپتال میں ہے۔ سب نظریں جھکا گئے۔ ہر خاموش چہرہ تکبر نہیں ہوتا۔

بوڑھی ماں ہر آواز پر دروازے کی طرف دیکھتی تھی۔ ایک دن گھنٹی بجی۔ وہ خوشی سے دوڑی… مگر باہر کورئیر والا تھا۔ رات کو اُس نے آہستہ سے کہا: "اب تو دروازہ بھی مجھ سے مذاق کرتا ہے۔"