غزل
آپ کی آمد سے صحرا گلستاں بنتا گیا
منتظم عاصیؔ
پیر، 20 اپریل 2026
👁 45
❤️ 1
بھائی بھائی لڑ پڑے زر کا نشاں بنتا گیا
دھیرے دھیرے خود ہمارا گھر مکاں بنتا گیا
جب مجھے دیکھا مصیبت کی سلگتی دھوپ میں
ماں گئی سجدے میں سر پر سائباں بنتا گیا
مل نہیں سکتا سِرا آپس میں جس کا صبح تک
راستہ وہ، دو دلوں کے درمیاں بنتا گیا
پھول کھِلنے لگ گئے اور کوئلیں گانے لگیں
آپ کی آمد سے صحرا گلستاں بنتا گیا
نوچ کر صیاد نے پر کر دیا آزاد جب
حوصلہ بڑھتا گیا اور آسماں بنتا گیا
اک نئی یادوں کا ٹوٹے اس دلِ بیدار میں
جیسے جیسے اشک گرتے تھے جہاں بنتا گیا
قبر کی آغوش میں جب تلک پہنچا نہیں
چڑھ گئے جو دار پر اُن کی زباں بنتا رہا
✍️ منتظم عاصیؔ — مختصر تعارف
📍 مالیگاؤں، مہاراشٹر، ہندوستان
## شخصیت، ادبی سفر اور شعری خدمات
منتظم عاصی کا شمار ان اہلِ قلم میں ہوتا ہے جنہوں نے شعر و ادب کی دنیا میں کسی باقاعدہ ادبی ادارے یا رسمی تربیتی سلسلے کے سہارے کے بجائے اپنے شوق، مطالعے، مسلسل مشق، اساتذہ کی رہنمائی اور غیر معمولی جنونِ سخن کے ذریعے اپنا راستہ بنایا۔ ان کا ادبی سفر محض شاعری تک محدود نہیں بلکہ یہ ایک ایسے شخص کی داستان ہے جس نے زندگی کے مختلف نشیب و فراز سے گزرتے ہوئے اپنے اندر …
غزل کیا ہے؟
غزل اردو شاعری کی سب سے مقبول صنف ہے۔ اس میں عام طور پر محبت، جدائی، فلسفہ اور زندگی کے موضوعات پر اشعار ہوتے ہیں۔ ہر شعر اپنی جگہ مکمل ہوتا ہے۔
منتظم عاصیؔ کی مزید
سجدۂ دوام** معروف شاعر **منتظم عاصیؔ** کا ایک منفرد نعتیہ و منقبتی شعری مجموعہ ہے جس میں عشقِ الٰہی...
خود سے خود کو ہے بنایا، اے سارے جہاں کے والی، اللہ ھو خود کو تونے ہے چھپایا، اے پردہ کئے خود عالی، ا...
کبھی کبھی ایسا لگتا ہے جیسے دنیا انسانوں سے خالی ہے اور میں اکیلا تنہائی کی تلاش میں بھٹک رہا ہوں کو...
"حرفِ عظیم میم" منتظم عاصیؔ کی نعتیہ و منقبتی شاعری کا مجموعہ ہے، جس میں حضور نبی کریم ﷺ ا...
ابھی کوئی تبصرہ نہیں — پہلے تبصرہ کریں!