غزل
لیکن خیال و خواب پہ قبضہ ضرور تھا
منتظم عاصیؔ
پیر، 20 اپریل 2026
👁 40
❤️ 0
مانا کہ بے رحم تھا بے عقبیٰ ضرور تھا
پَر لب پہ اس کے آخری کلمہ ضرور تھا
مدت سے دفن جتنی تھی تہذیب دیکھ لی
لاشہ نہیں تھا، عشق کا ملبہ ضرور تھا
میدانِ جنگ تک نہیں پہنچا کبھی مگر
مجھ کو بھی سر کٹانے کا جذبہ ضرور تھا
ہم جانتے ہیں روئے زمیں پر کبھی کوئی
آباد عشق امن کا قصبہ ضرور تھا
مانا حریمِ ناز کی قربت نہ پا سکا
لیکن حریمِ ناز سے رشتہ ضرور تھا
جس کا حقیقتوں سے نہیں کوئی واسطہ
اس کا کتابِ عشق میں قصہ ضرور تھا
کوشش کے باوجود بھی اس کا ہوا نہیں
لیکن خیال و خواب پہ قبضہ ضرور تھا
تیمارداری کے لئے آیا نہیں کوئی
میت کے درمیاں مری حلقہ ضرور تھا
✍️ منتظم عاصیؔ — مختصر تعارف
📍 مالیگاؤں، مہاراشٹر، ہندوستان
## شخصیت، ادبی سفر اور شعری خدمات
منتظم عاصی کا شمار ان اہلِ قلم میں ہوتا ہے جنہوں نے شعر و ادب کی دنیا میں کسی باقاعدہ ادبی ادارے یا رسمی تربیتی سلسلے کے سہارے کے بجائے اپنے شوق، مطالعے، مسلسل مشق، اساتذہ کی رہنمائی اور غیر معمولی جنونِ سخن کے ذریعے اپنا راستہ بنایا۔ ان کا ادبی سفر محض شاعری تک محدود نہیں بلکہ یہ ایک ایسے شخص کی داستان ہے جس نے زندگی کے مختلف نشیب و فراز سے گزرتے ہوئے اپنے اندر …
غزل کیا ہے؟
غزل اردو شاعری کی سب سے مقبول صنف ہے۔ اس میں عام طور پر محبت، جدائی، فلسفہ اور زندگی کے موضوعات پر اشعار ہوتے ہیں۔ ہر شعر اپنی جگہ مکمل ہوتا ہے۔
منتظم عاصیؔ کی مزید
سجدۂ دوام** معروف شاعر **منتظم عاصیؔ** کا ایک منفرد نعتیہ و منقبتی شعری مجموعہ ہے جس میں عشقِ الٰہی...
خود سے خود کو ہے بنایا، اے سارے جہاں کے والی، اللہ ھو خود کو تونے ہے چھپایا، اے پردہ کئے خود عالی، ا...
کبھی کبھی ایسا لگتا ہے جیسے دنیا انسانوں سے خالی ہے اور میں اکیلا تنہائی کی تلاش میں بھٹک رہا ہوں کو...
"حرفِ عظیم میم" منتظم عاصیؔ کی نعتیہ و منقبتی شاعری کا مجموعہ ہے، جس میں حضور نبی کریم ﷺ ا...
ابھی کوئی تبصرہ نہیں — پہلے تبصرہ کریں!