نظم کا بنیادی موضوع کیا ہے؟

ماں کی محبت اور اس کی تمنائیں۔

ماں کا خواب | علامہ اقبال | بانگ درا — محمد اقبال — اردو شاعری

نظم

محمد اقبال پیر، 8 جون 2026

👁 11 ❤️ 0

ميں سوئي جو اک شب تو ديکھا يہ خواب

بڑھا اور جس سے مرا اضطراب

يہ ديکھا کہ ميں جا رہي ہوں کہيں

اندھيرا ہے اور راہ ملتي نہيں

لرزتا تھا ڈر سے مرا بال بال

قدم کا تھا دہشت سے اٹھنا محال

جو کچھ حوصلہ پا کے آگے بڑھي

تو ديکھا قطار ايک لڑکوں کي تھي

زمرد سي پوشاک پہنے ہوئے

ديے سب کے ہاتھوں ميں جلتے ہوئے

وہ چپ چاپ تھے آگے پيچھے رواں

خدا جانے جانا تھا ان کو کہاں

اسي سوچ ميں تھي کہ ميرا پسر

مجھے اس جماعت ميں آيا نظر

وہ پيچھے تھا اور تيز چلتا نہ تھا

ديا اس کے ہاتھوں ميں جلتا نہ تھا

کہا ميں نے پہچان کر ، ميري جاں!

مجھے چھوڑ کر آ گئے تم کہاں!

جدائي ميں رہتي ہوں ميں بے قرار

پروتي ہوں ہر روز اشکوں کے ہار

نہ پروا ہماري ذرا تم نے کي

گئے چھوڑ ، اچھي وفا تم نے کي

جو بچے نے ديکھا مرا پيچ و تاب

ديا اس نے منہ پھير کر يوں جواب

رلاتي ہے تجھ کو جدائي مري

نہيں اس ميں کچھ بھي بھلائي مري

يہ کہہ کر وہ کچھ دير تک چپ رہا

ديا پھر دکھا کر يہ کہنے لگا

سمجھتي ہے تو ہو گيا کيا اسے؟

ترے آنسوئوں نے بجھايا اسے

📖 خلاصہ

یہ نظم ماں کے جذبات، محبت اور اولاد سے وابستہ خوابوں کو بیان کرتی ہے۔

#ماں #خواب #اقبال #بانگ درا

✍️ محمد اقبال — مختصر تعارف

📍 سیالکوٹ (موجودہ پاکستان)

علامہ محمد اقبالؔ اردو اور فارسی ادب کے عظیم شاعر، مفکر، فلسفی اور برصغیر کے ممتاز دانشور تھے۔ آپ 9 نومبر 1877ء کو سیالکوٹ میں پیدا ہوئے۔ ابتدائی تعلیم سیالکوٹ میں حاصل کی، بعد ازاں گورنمنٹ کالج لاہور سے اعلیٰ تعلیم حاصل کی جہاں آپ کو معروف مستشرق اور استاد سر تھامس آرنلڈ کی سرپرستی میسر آئی۔ مزید تعلیم کے لیے یورپ گئے، کیمبرج یونیورسٹی سے فلسفے کی تعلیم حاصل کی، میونخ یونیورسٹی سے ڈاکٹریٹ کی ڈگری …