غزل
ابھی دل ترے نام لکھّا نہیں ہے
منتظم عاصیؔ
پیر، 20 اپریل 2026
👁 32
❤️ 0
ابھی توڑ کر وقتِ پرسہ نہیں ہے
ابھی دل ترے نام لکھّا نہیں ہے
الجھ کر تری یادوں میں رہ گیا ہوں
ابھی تیرے بارے میں سوچا نہیں ہے
ابھی میں نے نوچیں ہیں پر حوصلوں کے
ابھی میرا ٹوٹا ارادہ نہیں ہے
ابھی بول بالا ہے نفرت کا ہر سو
ابھی راہِ الفت پہ کانٹا نہیں ہے
ابھی اور بدلے گا دنیا کا دستور
ابھی دور دار و رسن کا نہیں ہے
ابھی میں نے لفظوں کی چھینی سے تیرا
بدن سنگِ مرمر تراشہ نہیں ہے
ابھی اور بیمار کو دو اذیت
ابھی یاں عیادت کا در وا نہیں ہے
نہ کاندھے پہ جھولا نہ چمٹا نہ بیڑی
فقیروں کے ہاتھوں میں کاسہ نہیں ہے
✍️ منتظم عاصیؔ — مختصر تعارف
📍 مالیگاؤں، مہاراشٹر، ہندوستان
## شخصیت، ادبی سفر اور شعری خدمات
منتظم عاصی کا شمار ان اہلِ قلم میں ہوتا ہے جنہوں نے شعر و ادب کی دنیا میں کسی باقاعدہ ادبی ادارے یا رسمی تربیتی سلسلے کے سہارے کے بجائے اپنے شوق، مطالعے، مسلسل مشق، اساتذہ کی رہنمائی اور غیر معمولی جنونِ سخن کے ذریعے اپنا راستہ بنایا۔ ان کا ادبی سفر محض شاعری تک محدود نہیں بلکہ یہ ایک ایسے شخص کی داستان ہے جس نے زندگی کے مختلف نشیب و فراز سے گزرتے ہوئے اپنے اندر …
غزل کیا ہے؟
غزل اردو شاعری کی سب سے مقبول صنف ہے۔ اس میں عام طور پر محبت، جدائی، فلسفہ اور زندگی کے موضوعات پر اشعار ہوتے ہیں۔ ہر شعر اپنی جگہ مکمل ہوتا ہے۔
منتظم عاصیؔ کی مزید
سجدۂ دوام** معروف شاعر **منتظم عاصیؔ** کا ایک منفرد نعتیہ و منقبتی شعری مجموعہ ہے جس میں عشقِ الٰہی...
خود سے خود کو ہے بنایا، اے سارے جہاں کے والی، اللہ ھو خود کو تونے ہے چھپایا، اے پردہ کئے خود عالی، ا...
کبھی کبھی ایسا لگتا ہے جیسے دنیا انسانوں سے خالی ہے اور میں اکیلا تنہائی کی تلاش میں بھٹک رہا ہوں کو...
"حرفِ عظیم میم" منتظم عاصیؔ کی نعتیہ و منقبتی شاعری کا مجموعہ ہے، جس میں حضور نبی کریم ﷺ ا...
ابھی کوئی تبصرہ نہیں — پہلے تبصرہ کریں!