انٹرنیٹ کے نقصانات

انٹرنیٹ موجودہ دور کی ایک بڑی سہولت ہے، مگر اس کے ساتھ کئی نقصانات بھی جڑے ہوئے ہیں۔ انٹرنیٹ کے بے جا استعمال نے انسان کی زندگی کو آسان بنانے کے ساتھ ساتھ کئی مسائل کو بھی جنم دیا ہے۔

سب سے بڑا نقصان وقت کا ضیاع ہے۔ لوگ گھنٹوں سوشل میڈیا، ویڈیوز اور غیر ضروری مواد میں مشغول رہتے ہیں جس سے تعلیمی اور عملی زندگی متاثر ہوتی ہے۔ خاص طور پر طلبہ کی توجہ پڑھائی سے ہٹ جاتی ہے ۔

انٹرنیٹ کا ایک اور بڑا نقصان ذہنی اور جسمانی صحت پر منفی اثر ہوتا ہے۔ مسلسل موبائل یا کمپیوٹر استعمال کرنے سے آنکھوں میں درد، سر درد، آنکھوں پر چشمہ لگنے اور نیند کی کمی جیسے مسائل پیدا ہوتے ہیں۔ اس کے علاوہ سوشل میڈیا کے منفی رجحانات ذہنی دباؤ اور احساسِ کمتری کا سبب بنتے ہیں۔

اخلاقی بگاڑ بھی انٹرنیٹ کے نقصانات میں شامل ہے۔ انٹرنیٹ پر موجود غیر اخلاقی مواد نوجوان نسل کے کردار کو متاثر کرتا ہے اور اس کا غلط اور حد سے زیادہ استعمال نقصان دہ ثابت ہوتا ہے۔ اس لیے ضروری ہے کہ انٹرنیٹ کو کم از کم استعمال کیا جائے تاکہ اس کے فوائد حاصل ہوں اور نقصانات سے بچا جا سکے۔
(از قلم عبداللہ راشد ذبیحؔ)