نظم کا بنیادی موضوع کیا ہے؟

وصال اور روحانی قربت۔

وصال | علامہ اقبال | بانگِ درا — محمد اقبال — اردو شاعری

نظم

محمد اقبال پیر، 8 جون 2026

👁 11 ❤️ 0

جستجو جس گل کي تڑپاتي تھي اے بلبل مجھے

خوبي قسمت سے آخر مل گيا وہ گل مجھے

خود تڑپتا تھا ، چمن والوں کو تڑپاتا تھا ميں

تجھ کو جب رنگيں نوا پاتا تھا ، شرماتا تھا ميں

ميرے پہلو ميں دل مضطر نہ تھا ، سيماب تھا

ارتکاب جرم الفت کے ليے بے تاب تھا

نامرادي محفل گل ميں مري مشہور تھي

صبح ميري آئنہ دار شب ديجور تھي

از نفس در سينہء خوں گشتہ نشتر داشتم

زير خاموشي نہاں غوغائے محشر داشتم

اب تاثر کے جہاں ميں وہ پريشاني نہيں

اہل گلشن پر گراں ميري غزل خواني نہيں

عشق کي گرمي سے شعلے بن گئے چھالے مرے

کھليتے ہيں بجليوں کے ساتھ اب نالے مرے

غازئہ الفت سے يہ خاک سيہ آئينہ ہے

اور آئينے ميں عکس ہمدم ديرينہ ہے

قيد ميں آيا تو حاصل مجھ کو آزادي ہوئي

دل کے لٹ جانے سے ميرے گھر کي آبادي ہوئي

ضو سے اس خورشيد کي اختر مرا تابندہ ہے

چاندني جس کے غبار راہ سے شرمندہ ہے

يک نظر کر دي و آداب فنا آموختي

اے خنک روزے کہ خاشاک مرا واسوختي

📖 خلاصہ

اس نظم میں اقبال وصال کے جذبات، روحانی سرور اور محبت کی تکمیل کو شاعرانہ انداز میں پیش کرتے ہیں۔

#وصال #عشق #محبت #اقبال #بانگ درا

✍️ محمد اقبال — مختصر تعارف

📍 سیالکوٹ (موجودہ پاکستان)

علامہ محمد اقبالؔ اردو اور فارسی ادب کے عظیم شاعر، مفکر، فلسفی اور برصغیر کے ممتاز دانشور تھے۔ آپ 9 نومبر 1877ء کو سیالکوٹ میں پیدا ہوئے۔ ابتدائی تعلیم سیالکوٹ میں حاصل کی، بعد ازاں گورنمنٹ کالج لاہور سے اعلیٰ تعلیم حاصل کی جہاں آپ کو معروف مستشرق اور استاد سر تھامس آرنلڈ کی سرپرستی میسر آئی۔ مزید تعلیم کے لیے یورپ گئے، کیمبرج یونیورسٹی سے فلسفے کی تعلیم حاصل کی، میونخ یونیورسٹی سے ڈاکٹریٹ کی ڈگری …