نظم کا موضوع کیا ہے؟

بچے کی معصومیت اور پاکیزگی۔

طفلِ شیرخوار | علامہ اقبال | بانگِ درا — محمد اقبال — اردو شاعری

نظم

محمد اقبال پیر، 8 جون 2026

👁 5 ❤️ 0

ميں نے چاقو تجھ سے چھينا ہے تو چلاتا ہے تو

مہرباں ہوں ميں ، مجھے نا مہرباں سمجھا ہے تو

پھر پڑا روئے گا اے نووارد اقليم غم

چبھ نہ جائے ديکھنا! ، باريک ہے نوک قلم

آہ! کيوں دکھ دينے والي شے سے تجھ کو پيار ہے

کھيل اس کاغذ کے ٹکڑے سے ، يہ بے آزار ہے

گيند ہے تيري کہاں ، چيني کي بلي ہے کد ھر؟

وہ ذرا سا جانور ٹوٹا ہوا ہے جس کا سر

تيرا آئينہ تھا آزاد غبار آرزو

آنکھ کھلتے ہي چمک اٹھا شرار آرزو

ہاتھ کي جنبش ميں ، طرز ديد ميں پوشيدہ ہے

تيري صورت آرزو بھي تيري نوزائيدہ ہے

زندگاني ہے تري آزاد قيد امتياز

تيري آنکھوں پر ہويدا ہے مگر قدرت کا راز

جب کسي شے پر بگڑ کر مجھ سے ، چلاتا ہے تو

کيا تماشا ہے ردي کاغذ سے من جاتا ہے تو

آہ! اس عادت ميں ہم آہنگ ہوں ميں بھي ترا

تو تلون آشنا ، ميں بھي تلون آشنا

عارضي لذت کا شيدائي ہوں ، چلاتا ہوں ميں

جلد آ جاتا ہے غصہ ، جلد من جاتا ہوں ميں

ميري آنکھوں کو لبھا ليتا ہے حسن ظاہري

کم نہيں کچھ تيري ناداني سے ناداني مري

تيري صورت گاہ گرياں گاہ خنداں ميں بھي ہوں

ديکھنے کو نوجواں ہوں ، طفل ناداں ميں بھي ہوں

📖 خلاصہ

اس نظم میں شیر خوار بچے کی معصومیت، پاکیزگی اور فطری حسن کو بیان کیا گیا ہے۔

#بچہ #طفولیت #اقبال #بانگ درا

✍️ محمد اقبال — مختصر تعارف

📍 سیالکوٹ (موجودہ پاکستان)

علامہ محمد اقبالؔ اردو اور فارسی ادب کے عظیم شاعر، مفکر، فلسفی اور برصغیر کے ممتاز دانشور تھے۔ آپ 9 نومبر 1877ء کو سیالکوٹ میں پیدا ہوئے۔ ابتدائی تعلیم سیالکوٹ میں حاصل کی، بعد ازاں گورنمنٹ کالج لاہور سے اعلیٰ تعلیم حاصل کی جہاں آپ کو معروف مستشرق اور استاد سر تھامس آرنلڈ کی سرپرستی میسر آئی۔ مزید تعلیم کے لیے یورپ گئے، کیمبرج یونیورسٹی سے فلسفے کی تعلیم حاصل کی، میونخ یونیورسٹی سے ڈاکٹریٹ کی ڈگری …