حضرت علی اکبرؑ کا دردناک مرثیہ | کہاں ہو اے مرے بھائی – دانش فراق

مدینے بھر میں صغریٰؑ نے یہی روتے کہا اکثر
‎کہاں ہو اے مرے بھائی، مرے بھائی علی اکبرؑ
‎تمہارے بعد سونا ہو گیا ہے گھر کا گھر منظر
‎تمہاری یاد میں گزری ہے ہر شام اور ہر سحر

ادب سے آ کے اکبرؑ نے جھکایا سر پدر کے پاس
‎طلبِ رخصت میں آنکھوں سے رواں تھا اشک کا احساس
‎حسینِؑ دل فگاراں نے نظر بھر کر یہ دیکھا تھا
‎کہ جیسے سامنے آئے ہوں نبیؐ کے نور کے انوار خاص

یہ دل کیسے گوارا کرے تیرا دشت کو جانا
‎تیرا دشت کو جانا اور پھر واپس بھی نا آنا
‎جانا ہی ہے تو پھر اے پسر اس طرح جانا
‎کہ جاتے جاتے مڑ مڑ کے مجھے دیکھتے جانا
‎
‎پھر قضا آئی، جوانی کا گلستاں اجڑا
‎چاند نیزوں کی گھٹا میں سرِ میداں اجڑا
‎ایک آواز اٹھی، صبر کا ساماں اجڑا
‎"یا اَبَت!" کہتے ہی اک عالمِ امکاں اجڑا
‎
‎آج بھی ذکرِ علی اکبرؑ سے دل روتا ہے
‎دشتِ کرب و بلا کا ہر اک ذرّہ روتا ہے
‎غم میں ڈوبا ہوا تاریخ کا صفحہ روتا ہے
‎نام لیتا ہے زمانہ تو زمانہ روتا ہے۔