قفل

تین کمروں پر مشتمل ہمارے مکان کے درمیانی کمرے میں دیوار سے لگ کر ایک تجوری تھی۔ اس تجوری میں امی اور دادی کے قیمتی زیورات، ابو کے اہم کاغذات و دیگر ضروری چیزیں محفوظ ہوتی تھیں۔ اپنے بچپن میں میرے پسندیدہ اور محبوب کھلونے میں اس تجوری میں چھپا کر رکھا کرتا تھا تاکہ کبھی کبھار ہماری یہاں آنے والے مہمانوں اور پڑوسیوں کے بچوں سے محفوظ رہیں ۔میری بیٹی بھی کھلونوں کی بڑی شوقین ہے ۔ وہ اپنے کھلونے محفوظ نہیں رکھ سکتی۔ درمیانی کمرے میں نصب جدید تجوری میں ڈیجیٹل قفل لگا رہتا ہے ۔